مين محسوبك؟

محسوبك من ريف حمص الشمالي وهو فكرة محلية بامتياز.. عبارة عن منصّة موجهة لمنطقة ريف حمص الشمالي بشكل خاص.

الهدف منها نشر المعلومات بكافة المجالات، وإثارة التفاعل والنقاش بخصوص المواضيع المطروحة وجمع الآراء.
بالإضافة إنه محسوبك راح يحاول يضيف أمور معرفيّة جديدة لنواكب الواقع الحالي بكل حيثياته، من علم وتكنولوجيا وسياسة وأمور مختلفة، ومستقبلاً ممكن يضيف أمور خدميّة ومن هي الأمور هو موقع محسوبك كأول منصة إعلانات إلكترونية في ريف حمص الشمالي.

هو مشروع صغير بدايةً متل أي بداية، لكنه طموح كبير إن شاء الله لزيادة الخير في المنطقة، هو نواة لشيء ممكن يتحقق مستقبلاً، محسوبك هو محاولة ليكون دليلك بأمور كتير ومتشعبة صغيرة أو كبيرة، فكرة محسوبك نشأت من فترة صغيرة، والتجربة والمحاولة هي بتحدد فشل أو نجاح الأمر لذلك لازم نجرب نشر الوعي والعلم والخير هو أمر ضروري .. قال رسول الله صلى الله عليه وسلم:


" أحَبُّ النَّاسِ إلى اللهِ أنفَعُهم للنَّاسِ"